Azərbaycanda polis əməkdaşları qəzaya düşüb - Ölən və yaralanan var - YENİLƏNİB

Oğuzda baş verən yol qəzasında ölən və yaralanan şəxslərin polis əməkdaşı olduğu məlum olub.

Qəzada ölən 26 yaşlı Şamxal Seyidəliyev, xəsarət alan isə 23 yaşlı İbrahim Səfərov Oğuz Rayon Polis Şöbəsinin əməkdaşları imiş.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis baş leytenantı Mahir Mənsimov faktı təsdiqləyib.

*****

 

Oğuzda ölümlə nəticələnən yol qəzası baş verib.

 

Hadisə səhər saatlarında Oğuz-Şəki avtomobil yolunun rayon ərazisindən keçən hissəsində qeydə alınıb.

Rayonun Filfilli kənd sakini, 26 yaşlı Şamxal Seyidəliyev idarə etdiyi "Mercedes" markalı avtomobillə hərəkətdə olarkən maşın yol kənarındakı ağaca çırpılıb. Hadisə nəticəsində gənc sürücü aldığı ağır xəsarətlərdən hadisə yerində ölüb. Onun sərnişini, rayonun Yemişənli kənd sakini, 23 yaşlı  İbrahim Səfərov müxtəlif xəsarətlərlə Oğuz Rayon Mərkəzi Xəstəxanasına yerləşdirilib.