Qobustan Heyvandarlıq Nümayiş Kompleksi istifadəyə verilib.

8 hektara yaxın ərazidə inşa edilən Qobustan Heyvandarlıq Nümayiş Kompleksi ölkədə bu konsepsiyada ilk kompleks istifadəyə verilib. Kompleksdə fəaliyyət göstərən, müasir avadanlıqlarla təchiz edilmiş fermalarda 100 baş iribuynuzlu və 400 baş kiçikbuynuzlu heyvanın saxlanması nəzərdə tutulur.


Kompleksin fəaliyyətinin məqsədi xarici cins damazlıq heyvanlarla yanaşı, yerli cins heyvanların da satışının təşkil edilməsi ilə fermerlərin cins heyvanlara əlçatanlığına nail olunması, yerli damazlıq təsərrüfatların yetişdirdiyi heyvanların satışını stimullaşdırmaqla onların inkişafına təkan vermək,  ölkədə heyvanların cins tərkibinin yaxşılaşdırılmasına nail olmaq, damazlıq təsərrüfatlar arasında koordinasiya yaratmaqdır. 


Heyvandarlıq kompleksi sərgi salonundan, auksion mərkəzindən, ferma, sağım məntəqəsi, heyvanlara tibbi yardım məntəqəsi və digər funskional və yardımçı binalardan ibarətdir. Ferma üçün yardımçı tikililər zəruri texniki avadanlıqla təchiz olunub. Heyvanlara xüsusi baytar və zootexniklər vasitəsilə qulluq edilərək tibbi müyainədən keçiriləcək. Heyvanlar haqqında məlumat xüsusi çipləşdirilmiş birkalar vasitəsilə mərkəzi serverdə toplanır və mütəmadi izləniləcək.  


Ziyarətçilər ölkədə və Avropada satışda olan heyvanlar haqqında video çarx və satış nümayəndələri vasitəsilə onların məhsuldarlığı, şəcərəsi, cins tərkibi, saxlanılma şəraiti barədə məlumat əldə edə biləcəklər. Həftə ərzində sərgi salonunda satışda olan damazlıq heyvanların virtual nümayişi mütəmadi olaraq həyata keçiriləcək, kompleksin daxilində heyvan satışını həyata keçirən lizniq şirkətləri, heyvanların sığrotalanması üçün sığorta şirkətləri fəaliyyət göstəriləcək


Müasir kompleks heyvan alqı-satqısı zamanı bütün prosesləri fermerlər üçün daha əlçatan edir. Bütün alqı-satqı, sığorta, lizinq, güzəşt tətbiqi prosesləri vahid mərkəzdə həyata keçirilməklə, xidmətlərin operativliyi və şəffaflığı təmin edilib


Kompleksin trend məntəqələrindən biri də auksion mərkəzidir. Burada satışa çıxarılan heyvanlar akusion səhnəsində nümayiş olunacaq. Heyvanlar haqqında canlı və interaktiv məlumat veriləcək. Mərkəzdə auksion formatına uyğun heyvan satışı həyata keçirilib, heyvanın satışı son qiymətə uyğun rəsmiləşdirilir və sığorta şirkəti tərəfindən sığortalanır. Satış auksionlarının həftədə 1 gün keçirilməsi nəzərdə tutulub. Auksiona yerli damazlıq təsərrüfatlarda yetişdirilən heyvanlarla yanaşı, Avropadan gətirilən heyvanlar da çıxarılacaq. Gələcəkdə Avropada keçirilən damazlıq heyvan auksionlarının birbaşa interaktiv formatda təşkil olunması ilə bağlı işlər planlaşdırılacaq.

www.anews.az