Şəmkirdə yol qəzasında ata və qızı ölüb - YENİLƏNİB

Şəmkirdə baş verən ağır yol qəzasında ölənlərin və xəsarət alanların kimliyi məlum olub.

Şəmkir rayon Qasımalılar kəndi ərazisində 2 avtomobilin toqquşması nəticəsində Bayram Gözəlov, onun qızı, Aliyə Gözəlova və daha bir qadın dünyasını dəyişib.

Avtomobil qəzasında ailənin digər üzvləri, Yasin Gözəlov, Hüseyn Gözəlov və uşaqların nənəsi, Hicran Əliyeva ağır xəsarətlər alıb. Hadisə zamanı həmçinin daha bir nəfər, Elməddin Zeynalov da müxtəlif bədən xəsarətləri alıb. Yaralılar xəstəxanaya yerləşdiriliblər.

Faktla bağlı araşdırma aparılır.

*****

Şəmkir rayonunda ağır yol-nəqliyyat hadisəsi olub.

Hadisə Şəmkir-Gədəbəy yolunun rayonun Qasımalılar kəndində qeydə alınıb.

İlkin məlumata görə, iki avtomobil toqquşub. Nəticədə ölən və xəsarət alanlar var.

Hadisə yerinə 5 təcili tibbi yardım avtomobili və Baş Dövlət Yol Polisi İdarəsinin əməkdaşları cəlb olunub.