"Ölkəmizdə dini təhsil verən universitetlərin güclənməsinə diqqət yetirməliyik" - DEPUTAT
16.11.2021 22:08
Dünya böyük böhran astanasında olduğundan bir sıra sərt tədbirlərin görülməsinin zəruri olduğu qənaətindəyəm. Dövlət büdcəsinin israf edilməsinə qətiyyən yol vermək olmaz və Hesablama Palatası sərt nəzarəti həyata keçirməlidir.
Anews.az xəbər verir ki, bu sözləri deputat Musa Qasımlı Milli Məclisin bu gün keçirilən plenar iclasında büdcə layihəsinin müzakirəsi zamanı çıxışında deyib.
"İşğaldan azad edilmiş ərazilərimizdə taxılçılığı artırmaqla ölkəmizin xaricdən taxil asılılığını kəskin surətdə azaltmaqda fayda görürəm. Bir neçə il sonra dünyada ərzaq qıtlığının yaranacağını proqnozlaşdırmaq olar. Bir sıra idarə və təşkilatların regional mərkəzlərinin mövcudluğu dövlət büdcəsinə əlavə yük deyilmi? Universitetlərimizin gücləndirilməsi məqsədilə yaxın illər üçün bir neçə universiteti seçib onların inkişafına vəsaitin ayırlması necə olardı? Həmin universitetlər digər ölkələr üçün kadrlar hazırlayan mərkəzlərə çevrilərdi. Bunun da strateji əhəmiyyət daşıyacağı heç kimə sirr deyil. Kənd məktəblərini müəllim kadrları, xüsusən qadın müəllimələrlə təmin etməkdən ötrü proqramların hazırlanmasının və maliyyə vəsaitinin ayrılmasının faydalı olacağına inanıram. Kəndlərin hər birində bir nəfər qadın müəllimənin olmasının qızların təhsilə cəlb olunmasına, erkən nikahların, cəhalətin, xurafatın, nəhayət, müxtəlif təmayüllü radikalizmin qarşısının alınmasına kömək edəcəyi qənaətindəyəm. Ölkəmizdə dini təhsil verən universitetlərin gücləndirilməsinə xüsusi diqqət yetirilməsi, din xadimlərinin ölkəmizdə hazırlanmasının və zəruri maliyyə vəsaitinin ayrılmasının vacib olduğunu düşünürəm", deyə Musa Qasımlı qeyd edib.
Gülnar Nazimqızı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
