Azərbaycan kartof istehsalını ARTIRIB

Bu ilin yanvar-oktyabrında Azərbaycandakı təsərrüfatlarda 1 007 287 ton kartof istehsal olunub.

 

Dövlət Statistika Komitəsinin hesabatı əsasında aparılan hesablamalara görə, bu göstərici ötən ilin müvafiq dövrünə nisbətən 2,6% artıb.

 

Hesabat dövründə ölkədə 56,1 min hektar sahədə kartof əkilib ki, bu da ötən ilin eyni dövrünün göstəricisindən 0,8% azdır.

 

Bununla yanaşı, cari ilin 10 ayında kartof yığımında məhsuldarlıq 180 sentner təşkil edib. Bu, ötən ilin müvafiq göstəricisindən 7 sentner və ya 4% çoxdur.