''QİÇS"-dən ölənlərin sayı azalıb

"2018-ci illə müqayisə etsək, sayda azalma var, bu da antiretrovirus terapiyanın üstünlüyü ilə əlaqəlidir. QİÇS-ə yoluxan  insanlar xəstəlikləri ağır keçirir. Çünki bu, immun sistemləri zəif olur və digər infeksion xəstəliklərə qarşı müqavimət göstərə bilmir. Antiretrovirus terapiyası qəbul edən şəxslər isə koronavirusa yoluxarlarsa, xəstəliyi o qədər də ağır keçirməyə bilərlər", deyə Famil Məmmədov deyib. 

 

Hər il dekabrın 1-i Ümumdünya QİÇS-lə Mübarizə Günü qeyd edilir. QİÇS pandemiyası dünya səhiyyəsinin infeksion xəstəliklər sahəsində ən ciddi problemlərindən biridir. Dünyada təxminən 40 milyona yaxın insan İİV daşıyıcısıdır. Qazanılmış İmmun Çatışmazlığı Sindromu – QİÇS insanın sonrakı fəaliyyəti nəticəsində "qazandığı”, bilərəkdən və ya bilməyərəkdən tutulduğu bir bəladır. Avropa ölkələrinin əksəriyyətində bu xəstəliyə düçar olanların vəziyyətini yaxşılaşdırmaq, cəmiyyətin həmin insanlara münasibətini dəyişdirmək üçün tədbirlər görülür, tibbi, maddi və digər yardımlar göstərilir.