Şahdağda qayadan yıxılan məktəblinin ölüm səbəbi AÇIQLANDI

Dekabrın 5-də Qusar rayonu Ləzə kəndində - Şahdağ zirvəsinin yaxınlığında dağlıq əraziyə istirahətə gedən 2008-ci il təvəllüdlü Rüstəmli Nihad Niyaz oğlunun qayadan yıxılaraq ölməsinin təfərüratı açıqlanıb.
 
Orta məktəb şagirdi olan Nihad məktəbli dostları ilə birgə Şahdağa istirahətə gedib.
 
Bu məqsədlə onlar avtobus icarəyə götürüblər və Bakıdan Qusara yola düşüblər. Qarlı-şaxtalı havada dağlıq ərazidə dostları ilə birlikdə şəkil çəkdirən N.Rüstəmli daha sonra hündürlüyü 50 metrdən çox olan qayanın üstünə çıxaraq "selfi” çəkdirmək istəyib. Bu zaman onun ayağı şaxtanın da səbəb olduğu sürüşkənlik səbəbindən büdrəyib və 13 yaşlı oğlan qayadan yıxılıb. O, hadisə yerində vəfat edib.
 
Rüstəmlinin meyiti ərazidən çıxarılaraq aidiyyəti üzrə təhvil verilib.
 
Faktla bağlı rayon prokurorluğunda araşdırma aparılır. (modern.az)

www.anews.az