Ağalı kəndində təhsil distant olacaq - Nazirlikdən AÇIQLAMA

Ağalı kəndində yaşayacaq məktəblilərə ilk həftələrdə  tədrisin hibrid və ya distant formada olması planlaşdırılıb ki, uşaqlar dərsdən kənarda qalmasın, bunu Təhsil naziri Emin Əmrullayev bildirib. 

"Ağalı kəndində sakinlərin həyat şəraitinin təşkili bir gündə həyata keçirilən məsələ deyil. Ona görə də düzgün planlaşdırma həyata keçirilməlidir. Ağalı kəndinə sakinlərin ilk köçürülməsindən sonra təbii ki, məktəbin də fəaliyyəti bərpa olunacaq. Amma aradakı keçid dövründə bir neçə həftə ərzində tədrisin hibrid və ya distant formada olmasını planlaşdırmışıq ki, uşaqlar dərsdən kənarda qalmasın. Kəndə hətta 2, 3 və ya 5 uşaq köçsə belə, həmin uşaqlar dərhal onlayn tədrisə cəlb olunacaqlar. Daha sonra məktəbin binası, bütün infrastruktur qurulduqdan, müəllimlər olduqdan sonra proses tam yekunlaşacaq", - deyə nazir vurğulayıb.

www.anews.az