183 bağçanın rəhbərliyi cəzalandırılıb

Bu barədə Qida Təhlükəsizliyi Agentliyinin (AQTA) əməkdaşı Şəhla Yusifzadə məktəbəqədər təhsil müəssisələrində uşaqların qidalanmasının düzgün təşkili və qida təhlükəsizliyi sahəsində texniki normativ hüquqi aktların tələblərindən danışarkən deyib.

 

"Yəni, gün ərzində uşağa tələb olunan qidalı maddələr, eyni zamanda kalori çatdırılmır. Nazirlər Kabineti tərəfindən 1994-cü il 9 mart tarixində qəbul olunmuş 103 saylı qərarın 2 və 3-cü əlavələri yaş qrupuna uyğun olaraq 4-6 yaş və 1 yaşdan 4 yaşa qədər olan uşaqların 1 sutka ərzində ərzaq normalarına tələbatını özündə ehtiva edən normativ sənəddir. Orada qeyd olunub ki, mütləq şəkildə menyular tərtib və təsdiq olunarkən birmənalı həmin qərarın 2 və 3 əlavələrinə istinad etmək, orada olan ərzaq siyahısına və hər bir uşaq üçün gün ərzində düşən normalara riayət etmək lazımdır. Çox təəssüf ki, birmənalı olaraq həmin menyularda normalardan kənaraçıxmalar olur. Bunun da nəticəsində uşaqların fizioloji normalara uyğun gündəlik kalori tələbatı təmin olunmur”, - deyə qurum rəsmisi əlavə edib.

 

Hazırkı mərhələdə yoxlamalar dövlət bağçalarında aparılır.  İkinci mərhələdə özəl bağçalarda yoxlamalar başlayacaq. (report)