5 koronavirus xəstəsinə cinayət işi açılıb

"COVID-19" infeksiyası ilə bağlı evdə müalicə təyin edilməsinə baxmayaraq, yaşayış yerini tərk edən 5 koronavirus xəstəsi barəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb, bu barədə Daxili İşlər Nazirliyinin mətbuat xidmətindən məlumat verilib. 

 

Dekabrın 9-da polis əməkdaşları tərəfindən respublika ərazisində daha 25 nəfər aktiv koronavirus xəstəsi ictimai yerlərdə aşkar edilərək saxlanılıb. 

Polis əməkdaşları "COVID-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.