Bakı kəndlərinə işləyən sürət qatarı ilə bağlı şad xəbər - RƏSMİ

Bakı kəndlərinə, Maştağa, Buzovna və Bilgəh qəsəbələri istiqamətində elektrik qatarların nə vaxt hərəkət edəcəyi böyük maraqla gözlənilir. Yaxın gələcəkdə adları çəkilən qəsəbə sakinlərinin elekterik qatarların xidmətindən istifadə edəcəyi geniş müzakirə olunur.

BAKU.WS mövzu ilə bağlı "Azərbaycan Dəmir Yolları” QSC-yə sorğu göndərib. Qurumun mətbuat xidmətindən bildirilib ki, "Azərbaycan Dəmir Yolları” QSC-də aparılan yenidənqurma işlərinin əsas tərkib hissələrindən biri yolların əsaslı təmiri və bərpasıdır:

"Bu istiqamətdə dəmir yollarında kompleks işlər görülür. Məlumat üçün bildirək ki, Maştağa kəndinin ərazisindən keçən dəmir yolu xəttinin layihələndirilməsi başa çatıb, digər işlərin isə mərhələli şəkildə həyata keçirilməsi nəzərdə tutulub. Hazırda işğaldan azad olunmuş ərazilərdəki dəmir yolu xətlərinin bərpası əsas prioritet istiqamətlərdəndir".

www.anews.az