Vətən Müharibəsi iştirakçısı ona torpaq verilməməsindən NARAZIDIR - ŞİKAYƏT
21.12.2021 13:42
Hazırda Göygöl rayonunun Quşqara kəndində kirayədə yaşayan İkinci Qarabağ müharibəsi iştirakçısı Eynur Vəliyev ona torpaq sahəsinin verilməməsindən şikayətçidir.
"Müharibə iştirakçısı olmuşam və istəyirəm ki mənə torpaq sahəsi verilsin. Prezidentə müraciət etmişəm, 4 razılıq məktubum var. Aylıq gəlirim yoxdur deyə, heç nə ilə maraqlana bilmirəm. İşsizlikdən əziyyət çəkirəm, kirayədə yaşayıram, ayda 70 manat kirayə pulu ödəyirəm", - deyə Vəliyev bildirdi.
O, həmçinin məsələ ilə bağlı ərazi üzrə deputat Elşad Mirbəşiroğluna, onun köməkçisi Namiq Məmmədova, Göygöl icra nümayəndəliyinə yaxınlaşsa da ona köməklik göstərən olmadığını da vurğuladı. "Deputatın köməkçisi Namiq Məmmədov sonuncu dəfə mayın 4-ü gəldi, mənimlə danışdı, məsələni həll edəcəyini bildirdi. İndi isə onların qəbuluna düşə bilmirəm", - deyə Eynur Vəliyev şikayətləndi.
Məsələ ilə bağlı Göygöl deputatı Elşad Mirbəşiroğluna üz tutduq. Onun sözlərinə görə, Eynur Vəliyevə 2022-ci il yanvarın 5-də iki sot torpaq sahəsi veriləcək.
"Eynur 2 sot torpağın verilməsi ilə bağlı müraciət edib. Dəfələrlə köməkçim Namiq Məmmədov, İcra Nümayəndəliyi, Bələdiyə sədri ilə görüşüblər. Məsələnin uzanmağının səbəbi isə torpağın təyinatının dəyişməsi olub. Mən bələdiyyə sədri ilə danışdım, bu məsələ öz həllini tapacaq. Eynur Vəliyevin dedikləri əsassızdır, biz onun zənglərinə mütamadi olaraq cavab vermişik. Mən özüm şəxsən onunla maraqlanmışam", - deyə millət vəkili vurğuladı.
Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Haşimov bildirir ki, qurumun tabeliyində Sosial Xidmətlər Agentliyi şəhid ailələri və müharibə əlillərinin mənzil şəraitinin yaxşılaşdırılmasını həyata keçirir.
''Bu halda qazimizin əlillik statusu olmadığı halda onun mənzil şəraitinin yaxşılaşdırılmasına yerli icra hakimiyyəti orqanında baxıla bilər', - deyə o, əlavə edib.
Aytac Zeynalova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
