Bullinqə daha çox kimlər məruz qalır?

2020-ci ildə psixi və davranış pozuntusu üzrə qeydə alınan 0-18 yaşa qədər uşaqların sayı 2629 olub. 12-18 yaş arasında olan uşaqlar daha çox bullinqə məruz qalır, bunu Səhiyyə Nazirliyinin Səhiyyənin təşkili şöbəsinin məsləhətçisi Aynurə Zeynalova deyib.

 

"0-13 yaş arası uşaqların sayı 1 946 olub. Pandemiya və məktəblərin bağlanması ilə uşaqların kiber bullinqə məruz qalması çoxalıb. Lakin məktəblər və universitetlərdə  bullinqə məruz qalan şagirdlərin konkret statistikası aparılmır. Lakin belə hallar var. Məsələn, məktəblilər yeni gələn şagirdi asanlıqla qəbul etmək istəmirlər. Daha çox həssas, konfliktli və zarafatları narahatlıq kimi qəbul edənlər bullinqə tez məruz qalır. Belə uşaqlar da şiddətə məruz qoymağı xoşlayanların hədəfinə çevrilmiş olurlar. Ailədaxili münaqişədən əziyyət çəkənlər cəmiyyətə elə də tez adaptə oluna bilmirlər. Sinifdə həmin uşaqları tez hədəfə alırlar", - deyə nazirlik rəsmisi bildirdi. 

 

Bullinq iş yerində və ya məktəb mühitində başqalarına təsir göstərmək üçün tətbiq edilən, həmyaşıdlar və ya həmkarlar tərəfindən göstərilən təzyiqdir.