Direktorlarının təyinatı səlahiyyəti Təhsil Nazirliyinə verilib

Bu gün ölkədə 500 direktor vəzifəsi boşdur, həmin vəzifələrə təyinatı Təhsil Nazirliyi həyata keçirəcək, bunu təhsil naziri Emin Əmrullayev dövlət başçısının dünən təhsillə bağlı imzaladığı sərəncamlara dair brifinqdə bildirib.

"Biz bu vəzifələri uzun müddət boş saxlaya bilmərik. Həmin yerlərə direktor təyinatı artıq nazirliyimiz tərəfindən icra olunacaq. Bu günə qədər ikili tabelik var idi, yeni sərəncamla bu məsələ həllini tapıb. Hər hansı məktəbin sinif otağında baş verən hadisə birbaşa müəllimdən asılıdır. Forma dəyişikliklərindən yox mahiyyət dəyişikliklərindən danışmaq lazımdır. Proses düzgün qurulmalıdır ki, direktorlarım təyinatı şəffaf olmalıdır. Daha mərkəzləşdirilmiş sistemə keçirik, bu da səmərəli şəkildə icra olunur. Əsas təyin olunan adamın peşəkarlığı və bu işin təşkilinin şəffaf olmasıdır. Direktorlar müsabiqə yolu ilə seçilirlər və görünən odur ki, iştirak edənlərin sayı azdır", - deyə nazir bildirdi. 

www.anews.az