Ölkəyə gətirilən minik avtomobillərinin dəyəri AÇIQLANDI

2021-ci ilin 11 ayı ərzində Azərbaycan 81 726 ədəd avtomobil idxal edilib, bu da  ötən ilin eyni dövrü ilə müqayisədə avtomobil idxalı 33 885 ədəd və ya 70,8 faiz artım deməkdir, bu barədə Dövlət Gömrük Komitəsi məlumat yayıb. 

İdxal edilən avtomobillərin ümumi dəyəri 835 376 720 ABŞ dolları həcmində olub. Azərbaycan avtomobil idxalına ötən ilin eyni dövrü ilə müqayisədə 259 201 690 dollar və ya 45 faiz daha çox vəsait sərf edib.

Müvafiq dövr ərzində ölkəmiz 213 ədəd 10 nəfər və ya daha çox adam daşımaq üçün nəzərdə tutulmuş mühərrikli nəqliyyat vasitəsi idxal edib. İdxal həcmi 2020-ci ilin eyni dövrünə nəzərən 10 ədəd və ya 4,5 faiz azalıb. Bu avtomobillərin idxal dəyəri 32 604 400 dollara yaxın olub.

Cari dövrdə 76 348 ədəd minik avtomobili idxal edilib və onların ümumi dəyəri 704 752 710 dollar təşkil edib. İdxal həcmi ötən ilin eyni dövrünə nəzərən 32 070 ədəd və ya 72,4 faiz, onların dəyəri isə illik müqayisədə 45,3 faiz artıb. 

11 ay ərzində yük daşımaq üçün nəzərdə tutulan nəqliyyat vasitələrinin idxal həcmi 1 821 ədəd və ya 1,6 dəfəyə qədər artıb. Müvafiq dövr ərzində 5 024 ədəd bu tipdə avtomobil idxal olunub və onların ümumi dəyəri 81 231 940 dolları təşkil edib.