Vüqar Səfərli 10 il 6 ay müddətinə azadlıqdan məhrum edilib
21.12.2021 17:51
Vüqar Səfərli 10 il 6 ay müddətinə azadlıqdan məhrum edilib, bununla bağlı bu gün keçirilən məhkəmə iclasında hökm oxunulub.
Cinayət işi üzrə Səfərli barəsində məhkəmənin qərarı ilə həbs, digər şəxslər barəsində isə polisin nəzarəti altına vermə qətimkan tədbiri seçilib.
Cinayət işi üzrə Medianın İnkişafı Agentliyi (MEDIA) zərərçəkmiş qismində tanınıb.
www.anews.az
Hakim Azər Paşayevin sədrliyi ilə keçirilən prosesdə Vüqar Səfərli son söz deyib.
O, məhkəmədən bəraət istəyib.
Digər təqsirləndirilən Nadir Məmmədov da cinayət işi üzrə təqsirsiz olduğunu deyib.
Daha sonra məhkəmə müşavirə otağına yollanıb.
Müşavirədən qayıdan hakimlər kollegiyası hökmü elan edib.
Hökmə əsasən, Vüqar Səfərli cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub. Qeyde edilib ki, o, 3 il dövlət orqanlarında vəzifə tuta bilməz.
Proses davam edir.
Dövlət ittihamçısı Vüqar Səfərlinin 11 il, Bünyamin İsmayılov 7 il, Ədalət Vəliyev 7 il, Nadir Məmmədov 7 il, Bəxtiyar Fətullayev 2 il, Təmkin Xəlilov 2 il, Telman Tahirov 7 il, Valeh Orucov 2 il, Təhminə Yaqubova 6 il şərti, Şahin İbrahimov 2 il və Namiq Hacıyevin 7 il müddətinə azadlıqdan məhrum edilməsini istəyib.
İbtidai istintaq zamanı cinayətin törədilməsi nəticəsində vurulmuş maddi ziyanın bir hissəsinin ödənilməsi təmin edilmiş, habelə təqsirləndirilən şəxslərə məxsus olan daşınar və daşınmaz əmlak və bank əmanətlərinin üzərinə həbs qoyulub.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
