İlham Əliyev bu qərarı təsdiqlədi - FƏRMAN

Prezident İlham Əliyev "Azərbaycan Respublikasının Milli Arxiv İdarəsi ilə Macarıstan Milli Arxivi arasında arxiv işi sahəsində əməkdaşlıq haqqında Saziş”in təsdiq edilməsi barədə Fərman imzalayıb.
 
Fərmana əsasən, 2021-ci il sentyabrın 22-də Nyu-York şəhərində imzalanmış "Azərbaycan Respublikasının Milli Arxiv İdarəsi ilə Macarıstan Milli Arxivi arasında arxiv işi sahəsində əməkdaşlıq haqqında Saziş” təsdiq edilir.
 
Bu Fərmanın 1-ci hissəsində göstərilən Saziş qüvvəyə mindikdən sonra Milli Arxiv İdarəsi onun müddəalarının həyata keçirilməsini təmin etməli, həmçinin Xarici İşlər Nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Macarıstan tərəfinə bildiriş göndərməlidir.

www.anews.az