“Ölməmişdən 14 dəqiqə öncə zəng etdi ki...” - Qətlə yetirilən gizirin qardaşı

"Çox ağırdır. Övladımın ani ölümünü qaldıra bilmirəm. Oğlum 1999-cu ildə Siyəzən rayonunda anadan olub. 2017-2019-cu illərdə hərbi xidmətdə olub. Hərbi xidmətdən qayıdandan bir müddət sonra yenidən müddətdən artıq xidmətə getdi. Vətən müharibəsində də iştirak edib. İşğal olunmuş ərazilərimizin demək olar ki, hamısının azadlığı uğrunda gedən döyüşlərdə iştirak edib. Subay idi, arzuları vardı", - deyə o, əlavə edib. 

Fuar  Cəlilzadə bildirib ki, ölən gün oğlu ilə iki dəfə telefonda danışıb.

"Dünən səhər saatlarında danışmışıq. Yaxşı olduğunu dedi. 3 oğlum var. O biri oğlum Cəlilzadə Məcnun da Vətən müharibəsində iştirak edib. Suqovuşanın və Laçının işğaldan azad olunması uğrunda göstərdiyi qəhrəmanlığa görə təltif olunub. Kiçik oğlum Yusifin 12 yaşı var”, - deyə bildirib.

O deyib ki, oğlunun nəşi bu gün saat 5-6 radələrində rayona gətiriləcək.

"Əgər gec olmasa, bu gün oğlumu şəhid kimi dəfn edəcəyik”, - deyə məlumat verib. 

Mərhum Amilin qardaşı Məcnun Cəlilzadə isə bildirib ki, sonuncu dəfə qardaşı ilə günorta və ölümündən 14 dəqiqə öncə danışıb.

"Zəng elədi ki, anama yasin oxutdur. Ölməmişdən 14 dəqiqə öncə, 17:46-da zəng edib soruşdu ki, oxutdurdun? Həmin gün də günorta saatlarında xalalarımla danışanda deyib ki, "anamı yuxuda görmüşəm. Görürəm ki, saat alıb qəbrinin üstünə getmişəm.

Amil 6 ayın əsgəri olanda anam Cəlilova Sevda vəfat etdi, ili yenicə çıxıb. 18 il Siyəzəndə ibtidai sinif müəllimi kimi çalışıb. Yüksək şəkər xəstəliyindən əziyyət çəkirdi. Ötən il sentyabrın 18-də koronavirusdan rəhmətə gedib”, ”, - deyə Məcnun Cəlilzadə söyləyib. 

M.Cəlilzadə qardaşının kiçik gizir kimi çalışıdığını və bütün əsgərlərinin ondan razılıq etdiyini söyləyib.