Mərkəzi Klinikada 6 nəfərlik say düzəlməsə, peyvənd vurulmur

Mərkəzi Klinikada koronavirusla bağlı peyvənd olunmaq istəyən şəxslərin sayı 6 nəfərdən azdırsa, peyvənd flakonu açılmır. 

 

Bəs tibb müəssisəsi say çatışmazlığını əsas gətirərək peyvənd vurmaqdan imtina edə, vətəndaşa bu tipli tələb qoya bilərmi?

Artıq eyni məzmunlu bir neçə şikayətlə bağlı Səhiyyə Nazirliyi məlumat yayıb. Nazirlikdən "Qafqazinfo”nun sorğusuna cavab olaraq bildirib ki, "Pfizer-BioNTech” peyvəndinin ampulaları 6 nəfərin istifadəsinə uyğun şəkildədir: "Peyvənd itkilərinin olmaması səbəbindən bu say gözlənilə bilər. Uyğun vətəndaş sayı olmasa belə, heç bir halda peyvənd məntəqələrinə immunizasiyadan imtina etmələri haqqında göstəriş verilməyib”.