4 nəfəri bıçaqlayan şəxsdən XƏBƏR VAR

Biləsuvarda 4 nəfəri bıçaqlamaqda təqsirləndirilən Qoşqar Orucovun cinayət işi üzrə ibtidai istintaqı yekunlaşıb.

İş baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Aqil Musayevin icraatına verilib. Məhkəmənin hazırlıq iclası fevralın 15-nə təyin edilib.

Sözügedən hadisə 2021-ci ilin oktyabrında rayonun Amankənd kəndində baş verib. Kənddə yerləşən çay evində sakinlər - İsa Abbasov, Tural Yəhyalı, Sənan Yəhyayev və Ərəstun Şahmarovla Qoşqar Orucov arasında mübahisə yaranıb. İsa Abbasov, Tural Yəhyalı, Sənan Yəhyayev və Ərəstun Şahmarovun sözlərinə görə, onlar evə gedərkən Qoşqar Orucov həmin şəxslərə hücum edərək bıçaq xəsarəti yetirib.

Yaralılar Biləsuvar Rayon Mərkəzi Xəstəxanasına çatdırılıb və onlara tibbi yardım göstərilib.