Salyanda partlayış - 1 ailənin 3 üzvü yaralanıb - YENİLƏNDİ

Salyanda qaz partlayışı nəticəsində xəsarət alanlardan birinin vəziyyəti ağırlaşıb, Bu barədə Salyan Mərkəzi Rayon Xəstəxanasından məlumat verilib.

Rayonun Qarabağlı kəndində baş hadisə zamanı xəsarət alanlardan birinin vəziyyəti ağır, iki nəfərin vəziyyətlərinin isə orta-ağırdır.

"Hadisə zamanı xəsarət alan, ailə başçısı Zaur Qurbanovun vəziyyəti ağırdır. Digər xəsarət alanlar ana və oğlunun vəziyyəti orta-ağırdır. Xəsarət alan şəxslərə xəstəxanada həkimlər tərəfindən tibbi yardım göstərilib, onların müayinə və müalicələri davam etdirilir",- deyə bildirilib. 

*****

Salyanda qaz partlayışı nəticəsində bir ailənin 3 üzvü yanıq xəsarətləri alıb.

Hadisə Qarabağlı kəndində baş verib.

İlkin məlumata görə, kənddə Qurbanovlar ailəsinə məxsus fərdi yaşayış evində qaz sızması nəticəsində partlayış olub. Nəticədə bir ailənin üç üzvü - 42 yaşlı Zaur Qurbanov Mikayıl oğlu, onun həyat yoldaşı, 41 yaşlı Şəfəq Qurbanova Əli qızı və ailənin övladı, 21 yaşlı Mikayıl Qurbanov Zaur oğlu müxtəlif dərəcəli xəsarətlər alıb.

Zərərçəkənlər Salyan Mərkəzi Rayon Xəstəxanasına yerləşdirilib.