Cavanşir Feyziyev istefa verib
07.02.2022 12:45
Milli Məclisin deputatı Cavanşir Feyziyev Azərbaycan Mətbuat Şurasının İdarə Heyəti üzvlüyündən istefa verib.
O, bununla bağlı Azərbaycan Mətbuat Şurasının sədri Əflatun Amaşova müraciət ünvanlayıb.
O qeyd edib ki, bir neçə gün öncə "Facebook" səhifəsində yazdığı statusla hər hansı ziddiyyət yaratmaq məqsədi güdmədiyini bildirib: "Sadəcə barəmdə gedən mənfi yüklü materialların şəxsimə təsirini əyani şəkildə hiss etdirmək istəmişəm. Razıyam ki, emosional şəraitdə yazdığım statusun mətni kifayət qədər sərt olub və bu barədə də əlavə status yazaraq bunda özümü haqlı hesab etmədiyimi bildirmişəm. Vəziyyətin belə bir şəkil alması, həmçinin işimin çoxluğu mənim Azərbaycan Mətbuat Şurasının İdarə Heyəti üzvlüyümdən istefa verməyimi zəruri edir və mən sizdən istefamın qəbul olunmasını xahiş edirəm. Azərbaycan Mətbuat Şurasına ölkədə medianın inkişafı naminə fəaliyyətində böyük uğurlar arzulayıram", - deyə o bildirib.
Onun sözlərinə görə, London məhkəməsinin qərarı ilə ailə üzvlərimin bank hesablarında olan 15 milyon funt-sterlinqin 10 milyonu sərbəst buraxılıb. Qalan 5 milyon məbləğ isə Beynəlxalq Bank vasitəsilə köçürüldüyündən və bu bankın adının vaxtı ilə qeyri qanuni əməliyyatlarla əlaqəli hallandığından müsadirə olunub. Feyziyev həmçinin barəsində sosial şəbəkədə məlumat yayan bir qism Azərbaycan siyasətçisi və jurnalisti təhqir edərək onları özünə qarşı qərəzlilikdə suçlayıb.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
