Rasim Məmmədov barəsində qərar verildi

Fevralın 3-də Sumqayıt şəhərində saxlanılan Rasim Məmmədov barəsində məhkəmə qərar verib.

Məhkəmə istintaqın təqdimatını təmin edərək Rasim Məmmədov barəsində 3 ay müddətinə həbs qətimkan tədbiri seçib.

Hazırda cinayət işinin istintaqı davam etdirilir.

İttihama görə, vətəndaş Rasim Məmmədov 2021-ci il sentyabrın 17-də Sumqayıt şəhərində yerləşən "Azmetal” MMC-yə gələrək heç bir əsaslı səbəb olmadan oranın direktor müavini Ramiz Hüseynovun ünvanına nalayiq söyüşlər söyərək çölə çıxmasını tələb edib. Hüseynov həyətə düşdükdən sonra Rasim Məmmədov təkrar olaraq onun ünvanına nalayiq ifadələr işlədib və əlindəki mobil telefonla MMC-nin anbardarı Sabir İsmayılovun baş nahiyəsinə 3 dəfə zərbə vuraraq ona müxtəlif dərəcəli bədən xəsarəti yetirməklə qərəzli xuliqanlıq hərəkətləri edib.

Rasim Məmmədov özünü "İctimai Nəzarət Koalisiyası” İctimai Birliyinin sədri kimi təqdim edir.