"Azadlıq Prospekti" metrostansiyasında sərnişin qatar yoluna düşüb

Metronun "Azadlıq Prospekti" stansiyasnda orta yaşlı sərnişin (qadın) qatar yoluna düşüb.

Bu barədə  "Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib.

B.Məmmədovun sözlərinə görə, hadisə bu gün saat 21:54-də "Həzi Aslanov-Dərnəgül" reysi ilə hərəkət edən qatarın hərkəti zamanı qeydə alınıb.

Təlimata uyğun olaraq, dərhal gərginlik çıxarılıb, təcili tibbi yardım çağırılıb. Qadın stansiya yolundan çıxarılıb. On dəqiqə sonra gərginlik verilib, qatar yola salınıb.