"Ramiz Mehdiyev işə silahlı mühafizəçilərlə gəlir" - Sabiq nazir

Ramiz Mehdiyev yeganə adamdır ki, işə silahlı mühafizəçilərlə, Dövlət Yol Polisinin və iki avtomobilin müşayiəti ilə gəlir.

Bu sözləri sabiq nazir, AMEA-nın müxbir üzvü, fizika-riyaziyyat elmləri doktoru, professor, AMEA-nın riyaziyyat və mexanika institutunun direktoru Misir Mərdanov deyib.

Mərdanovun sözlərinə görə, heç kəsin ona (Ramiz Mehdiyevə - red.) yaxınlaşıb dərdini demək şansı yoxdur.

AMEA Rəyasət Heyətinin mətbuat xidmətindən Report-a bildirilib ki, mühafizə dövlət tərəfindən ayrılıb. Yəni, o, özü üçün xüsusi mühafizə xidməti saxlamır.

Həmçinin onun üçün Rəyasət Heyətinin yerləşdiyi tarixi binada özəl lift quraşdırılması ilə bağlı fikirlərə də münasibət bildirilib.

Qeyd olunub ki, binada lift Ramiz Mehdiyev prezident seçilməzdən əvvəl quraşdırılıb.



www.anews.az