75 yaşlı kişi güllələnərək öldürülüb - YENİLƏNDİ
15.02.2022 11:38
Tovuzda qətlə yetirilən, 75 yaşlı şəxs uzun müddət müxtəlif vəzifələrdə çalışıb.
Hadisə ilə bağlı bəzi təfərrüatlar məlum olub.
Onlar yolda olan zaman qohumları Rasim Quliyevə zəng edərək evin sobasını yandırmasını və yemək-içmək hazırlamasını xahiş ediblər.
Ata və oğlu evə çatana qədər qohumları süfrəni hazırlayıb. Quliyevə də əyləşib yemək yeməsi təklif olunub, lakin o, mal-qaraya baxmalı olduğunu bildirib və evdən çıxaraq gedib.
Hadisə zamanı evdə Ceyhun Əliyevlə atası Qamət Əliyev ikisi olub. Rasim Quliyev isə güllə səsini eşitdikdən sonra yenidən ora qayıdıb. O, evin həyətində Ceyhun Əliyevi görüb və nə baş verdiyini soruşub. Ceyhun cavabında atasını "Vinçestr" silahı ilə güllələdiyini deyib.
Qamət Əliyev sinəsindən 5 güllə yarası alıb və hadisə yerində dünyasını dəyişib.
Hadisəni törətməkdə şübhəli bilinən şəxs isə özü polisə zəng edərək cinayət hadisəsini törətdiyini bildirib.
Ata və oğul arasında daha əvvəl ciddi münaqişənin olmadığı bildirilir.
Ceyhun Əliyev ailəli olub, 2 övladı var. Onun övladlarından biri 10-15 gün öncə dünyaya gəlib. Ceyhun Əliyevin psixoloji problemləri olduğu, onun bir müddət Maştağa qəsəbəsində yerləşən psixiatriya xəstəxanasında müalicə aldığı bildirilir.
Faktla bağlı Tovuz Rayon Prokurorluğunda cinayət işi açılıb, araşdırma aparılır.
******
Tovuzda 75 yaşlı Qamət Əliyev odlu silahla qətlə yetirilib.
Onu qətlə yetirməkdə oğlu, 42 yaşlı Ceyhun Əliyev şübhəli bilinir. Əliyevin psixoloji problemlərinin olduğu bildirilir.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
