Şuşa və Cəbrayılda tikiləcək xəstəxanaların işçi layihələri hazırlanır

Şuşa və Cəbrayılda tikiləcək xəstəxanaların işçi layihələri hazırlanır, bu barədə Səhiyyə Nazirliyindən bildirilib.

Ermənistan işğalından azad edilən ərazilərdə digər obyektlərlə yanaşı səhiyyə sistemi infrastrukturunun tam dağılıb və ya yararsız vəziyyətə gətirildiyindən əhalinin tibbi yardımla təmin olunması üçün müvafiq infrastrukturun yaradılmasının mərhələli şəkildə aparılması nəzərdə tutulur.

 

"Azərbaycanın işğaldan azad edilən şəhər və rayonlarında səhiyyə xidmətlərinin təşkili istiqamətində işlər aparılır. Əhaliyə göstəriləcək səhiyyə xidmətinin günün tələbləri səviyyəsində təşkil olunması məqsədilə hər bir rayon mərkəzində və Şuşada Rayon Mərkəzi Xəstəxanaları və digər səhiyyə müəssisələri üçün yeni binaların tikintisi nəzərdə tutulur.

"İlkin olaraq Şuşada tikiləcək 90 çarpayılıq Rayon Mərkəzi Xəstəxanasının müsabiqədə bəyənilmiş eskiz layihəsi əsasında 8 noyabr 2021-ci il tarixdə ölkə Prezidenti Ali Baş Komandan İlham Əliyev tərəfindən təməlqoyma mərasimi keçirilib. Hazırda 90 çarpayılıq Şuşa və 150 çarpayılq Cəbrayıl Rayon Mərkəzi Xəstəxanalarının işçi layihələri hazırlanır.