21 yaşlı gənc bıçaqlanaraq öldürülüb

Fevralın 23-ü saat 20 radələrində 21 yaşlı Elgün Qurbanlının aldığı xəsarətlərdən Bərdə Rayon Diaqnostika Xəstəxanasında ölüb, bu barədə Tərtər Rayon Prokurorluğu məlumat yayıb.

Aparılmış ilkin araşdırmalarla Tərtər rayonu ərazisində 2004-cü il təvəllüdlü İlkin Nəzərovun şəxsi münasibətlər zəminində aralarında yaranmış münaqişə zamanı Elgün Qurbanlıya bıçaq xəsarətləri yetirərək qəsdən öldürməsinə əsaslı şübhələr müəyyən edilib.

Faktla bağlı Tərtər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

İlkin Nəzərov şübhəli şəxs qismində tutularaq istintaqa cəlb edilib.