Dövlət Miqrasiya Xidmətinin çağrı mərkəzinə 1 ayda 7493 zəng daxil olub

Dövlət Miqrasiya Xidmətinin 919 Çağrı mərkəzinə cari ilin fevralı ərzində 7493 zəng daxil olub, bu barədə qurumun mətbuat xidməti məlumat yayıb.

 

Onlardan 6821-i Azərbaycan dilində, 605-i rus dilində, 67-si isə ingilis dilində cavablandırılıb.

Qəbul edilən zənglərin 2327-si müvəqqəti yaşama icazəsi, 1738-i müvəqqəti olma müddətinin uzadılması, 499-u vətəndaşlıq məsələləri, 363-ü olduğu yer üzrə qeydiyyat, 538-i daimi yaşama icazəsi, 587-si iş icazəsi, 1441-i isə digər məsələlərlə bağlı olub.