İctimai fəal Bəxtiyar Hacıyev sərbəst buraxılıb
09.03.2022 21:39
Etiraz etdiyi üçün saxlanılan ictimai fəal Bəxtiyar Hacıyev Bakı Şəhər Baş Polis İdarəsindən sərbəst buraxılıb, bu barədə o, anews.az-a açıqlamasında bildirib.
"BŞPİ-dən deyildi ki, sən Bəxtiyar Hacıyev olduğun üçün heç bir halda sənin şikayətlərin təmin olumayacaq,müraciətlərinə baxılmayacaq.Bu rəhbərliyin xüsusi tapşırığıdır", deyə Hacıyev söyləyib.
Onun etiraz aksiyasını keçirməkdə məqsədi Daxili İşlər Nazirliyi və hüquq-mühafizə orqanlarının onun müraciətlərinə etinasız yanaşması və şikayətlərini təmin etməməsi olub.
Aqil Layıc anews-a açıqlamasında deyib ki, hüquq-mühafizə orqanlarına ünvanlanan müraciətlər araşdırılmır.
"Əksinə onun verdiyi şikayətlər ona qarşı çevrili və bu şikayətlərə baxılmadığı üçün heç bir nəticə əldə edilmir", vəkil söyləyib.
DİN Mətbuat xidmətindən isə bildirilib ki, Bəxtiyar Hacıyev şikayət əsasında aparılan araşdırmaya etiraz edərək bu gün saat 14:30 radələrində özünə məxsus avtomobillə DİN-in inzibati binasının qarşısına gəlib.
"Polis əməkdaşları ona yaxınlaşaraq həmin yerdə dayanma-durmanın qadağan olduğunu bildiriblər. Bəxtiyar Hacıyev isə maşındakı yanar mayeni göstərərək özünü də, avtomobili də yandıracağını deyib. Bu səbəbdən polis əməkdaşları qapını açaraq həmin yanacağı maşından götürüblər", - DİN yaydığı açıqlamada bildirilir.
Hacıyev isə DİN-nin yaydığı bu bəyanatda deyilənlərin yalan olduğunu bildirib.
Səkinəxanım Məmmədova
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
