Koronavirus xəstələrinə yardım göstərən tibb işçilərinin əməkhaqlarına əlavə uzadıldı

Koronavirus xəstələrinə yardım göstərən tibb işçilərinin əməkhaqlarına əlavə martın 1-dək uzadılıb, bu barədə Baş nazir Əli Əsədov qərar imzalayıb.

Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulatory-poliklinik yardım göstərən tibb işçilərinin əməkhaqlarına müddətli əlavənin müəyyən edilməsi barədə qərarda dəyişiklik edilib.

Qərara əsasən, Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulatorpoliklinik yardım göstərən tibb işçilərinin əməkhaqlarına əlavənin ödənilməsi müddəti marıtın 1-dək uzadılıb.

www.anews.az