Vətəndaşların bu ay pensiyası niyə azalıb? - AÇIQLAMA
18.03.2022 11:53
Fevral ayında 300 manat pensiya alan şəxslər bu ay həmin məbləğin azaldığından narazılıq edirlər və bunun hansı səbəblə bağlı olduğunu bilmirlər, bu barədə bir neçə vətəndaş öz sosial hesabında məlumat yayıb.
"Keçən ay 300 manat aldığımız pensiya 267 manat olub. Bunun hansı səbəbdən azaldığını bilmirik. Hansı artım ilə bağlı olub olmadığını da müəyyən etməyə çətinlik çəkirik. Əgər bu artımdırsa onda niyə yenidən azalıb" deyə vətəndaşlar yazıb.
Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıbov anews.az-a açıqlamasında bildirdi ki, prezidentin fərmanına uyğun olaraq ayrılan 200 manatlıq yardım dörd rübə bölünməklə veriləcək və bunun birinci hissəsi fevral ayında verildiyi üçün vətəndaşların pensiyasında o artım olub.
"Biz keçən dəfə də qeyd etmişik ki, prezidentin fərmanına uyğun olaraq bu il pensiyaçılara 200 manat məbləğində maddi yardım müəyyən edilib. Bu yardım rüblərə bölünməklə dörd dəfə veriləcək. Birinci rüb ödənişini alan pensiyaçılar ikinci rübün əvvəlində pensiyalarında növbəti hissəni əldə edəcəklər. Bu artım il ərzində dörd rübə bölünməklə veriləcək. Vətəndaşlar növbəti artım hissəni aprel,iyul və oktyabr pensiyalarında ala biləcəklər" mətbuat sözçüsü deyib.
Prezident İlham Əliyev fevralın 8-də "Əmək pensiyaçılarının sosial müdafiəsi sahəsində əlavə tədbirlər haqqında” Sərəncam imzalayıb. Sərəncamına görə 2022-ci il pensiya təyin edilmiş əmək pensiyaçılarına (qulluq stajına görə əlavələr alan əmək pensiyaçıları istisna olmaqla) 200 manat məbləğində maddi yardımın bərabər hissələrlə rübdə bir dəfə olmaqla ödənilməsi təmin ediləcək. Pensiyaların 2022-ci ilin əvvəlindən indeksləşdirilərək artırılması və maddi yardım verilməsi pensiyaçıların 92%-ni və ya 1,1 milyon nəfəri əhatə edəcək və bu məqsədlər üçün il ərzində əlavə olaraq 352 milyon manat xərclənəcək.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
