Şuşada dopler radar sistemi qurulacaq
18.03.2022 15:34
Şuşa şəhərində dopler radar sistemi qurulacaq.
Bunu ekologiya və təbii sərvətlər naziri Muxtar Babayev Şuşada Azərbaycan-BMT münasibətlərinin 30 illiyinə həsr olunmuş toplantında deyib.
Onun sözlərinə görə, azad edilmiş ərazilərdə su ehtiyatları, çaylar ekoloji böhrana məruz qalıb.
Muxtar Babayev xüsusilə Oxçuçayın çirklənməyə məruz qaldığını diqqətə çatdırıb və əlavə edib ki, Oxçuçayla bağlı məsələ müxtəlif beynəlxalq təşkilatların qarşısında qaldırılıb.
Muxtar Babayev vurğulayıb ki, işğal dövründə hidrometeoroloji stansiyalar, ekoloji vəziyyəti müşahidə üçün bütün infrastruktur Ermənistan tərəfindən məhv edilib.
Nazir bildirib ki, Azərbaycan işğaldan azad olunmuş ərazilərdə yaşıl iqtisadiyyat, resursların ağıllı və dayanıqlı istifadəsinə, su resurslarının idarəçiliyinə xüsusi diqqət ayırır, müasir standartlar tətbiq olunur.
"Azad olunmuş ərazilərdə 11 meteoroloji stansiyanın tikilməsi barədə atıq təşəbbüs verilib. Şuşa şəhərində dopler radar sistemi qurulacaq və Şamaxı ilə Göygöl ərazisindəki mövcud şəbəkəyə qoşulacaq”, - nazir qeyd edib.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
