Ağ Evin mətbuat katibi koronavirusa yoluxub

Ağ Evin mətbuat katibi Cen Psakinin koronavirus testi müsbət çıxıb və karantinə alınacaq.

Bu barədə onun adından dərc olunmuş bəyanatında deyilir.

"Bu səhər Avropaya səfərə hazırlaşarkən PCR testi verdim. Müsbət nəticə göstərdi. Bu o deməkdir ki, mən Xəstəliklərə Nəzarət və Qarşısının Alınması Mərkəzinin tövsiyələrinə əməl edəcəyəm və prezident ABŞ Co Baydenlə birlikdə Avropaya getməyəcəm”, Psaki bildirib.