Azərbaycanda qəza: sürücünün dili kəsildi

Şəmkir rayonunda yol nəqliyyat hadisəsi yaşanıb.ANS PRESS-in xəbərinə görə, hadisə rayonun Könüllü kəndi ərazisində, kənd sakini 53 yaşlı Teyyub Məmmədovun "QAZ 3110" markalı avtomobillə hərəkətdə olarkən, qəfildən idarəetməni itirməsi nəticəsində baş verib və avtomobil evlərdən birinə çırpılıb. Hadisə zamanı aldığı zərbənin təsirilə sürücü Teyyub Məmmədovun dili kəsilib. O, dərhal Şəmkir rayon xəstəxanasına çatdırılsa da, vəziyyətinin ağır olduğu səbəb göstərilərək Gəncə şəhər Təcili Tibbi Yardım Xəstəxanasına göndərilib. Reanimasiya şöbəsinə yerləşdirilən Teyyub Məmmədovun vəziyyətinin ağır olduğu bildirilir. Faktla bağlı Şəmkir rayon polis şöbəsində araşdırma aparılır.ANN.Az