Gözdən əlil vətəndaşın müavinatı niyə ödənilmir? - ŞİKAYƏT

"Mən gözdən ikinci qrup əliləm. Sol gözüm 0,5 metr, sağ gözüm isə 1,5 metr məsafəni görür.  20 ildən çoxdur ki, komissiyadan keçib pensiya alıram amma 1,4 ildir ki, pensiyamı kəsiblər. Sadəcə sənədi nazirliyə göndərirlər  nazirlik isə geri qaytarır ki, natamamdır, yenidən  doldurulmadır”, -  Şəmilov deyir. 

Etibar Şəmilov ailəlidir və qardaşı vəfat edəndən sonra onun da ailəsini himayəsinə alıb. Onun sözlərinə görə ailədə heç kim işləmədiyindən maddi vəziyyətləri yaxşı deyil.

"Ailəliyəm.Qardaşım vəfat etdiyi üçün onun ailəsinə də mən baxıram. Amma ailə vəziyyətimiz bərbaddır. Ailədə 7 nəfərik və heç kim işləmir. Bircə anamın pensiyası ilə biz necə dolana bilərik?”,  -  Şəmilov sual edir. 

Onun sözlərinə görə,  məsələ ilə bağlı Əmək və Əhalinin Sosial Müdafiəsi Nazirliyinin qaynar xəttinə, rayon polis idarəsinə və icra hakimiyyətinə müraciət etsə də onun problemi öz həllini tapmır.

"Dəfələrlə Əmək və Əhalinin Sosial Müdafiəsi Nazirliyinin qaynar xəttinə zəng edib şikayətimi bildirsəm də operatorla sadəcə təkrarlayır ki, sizin sənəd nazirlikdən üç dəfə geri qaytarılıb. Nə üçün geri qaytarılmasına isə heç kim aydınlıq gətirmir. Həmçinin məsələ ilə bağlı rayon polis idarəsinə,prokurorluğa, icra hakimiyyətinə getmişəm. Amma bir nəticə yoxdu”.

Məsələ ilə bağlı Dövlət Tibbi Sosial Ekspertiza və Reabilitasiya Agentliyinin İctimaiyyətlə Əlaqələr şöbəsinin müdiri Tural Qurbanovdan açıqlama aldıq.

 

Tural Qurbanovun sözlərinə görə,  Etibar Şəmilov əlilliyinin qiymətləndirilməsi tibb müəssisəsi tərəfindən elektron sistemə daxil edilmiş göndəriş əsasında aparılıb.

Tural Qubanov deyir ki, vətəndaşı Dövlət Tibbi-Sosial Ekspertiza və Reabilitasiya Agentliyinin tibbi sosial ekspert komissiyasının eksperti müayinə edərək qiymətləndirəcək.