1-ci sinifləri döyərək videolarını tik-toka qoymaq ilə təhdid edirlər - ŞİKAYƏT

 

1-ci sinif şagirdinin valideynin sözlərinə görə, aprelin 1-də övladı yuxarı siniflərdə ( 9-11-ci sinif şagirdləri - red.) oxuyan uşaqların fiziki təcavüzünə məruz qalır. 

 

"Övladım ibtidai sinifdə oxuyur. Tualetə gedərkən yuxarı sinif uşaqları onu sıxışdırıb, qorxudur. Uşaqları şlank ilə döyüb, video çəkərək tik-toka yükləmək ilə təhdid ediblər. 5-ci gün bu davranışlar yenə təkrarlanıb. Yəni, bu ilk dəfə baş verməyib. Oğlum həmin hadisədən necə qorxubsa, bütün gecə yatmayıb.Məktəbə şikayətə gəlmişik, amma bizi qəbul edən yoxdur. Məktəb direktoru rayonda olduğunu deyir, bizi burada heç kim saymır" - valideyn bildirib.

 

311 nömrəli tam orta məktəb ilə əlaqə saxlamağa çalışsaq da, zənglərimizə cavab verən olmadı. 

 

Daxili İşlər Nazirliyinin mətbuat xidmətindən bildirildi ki, məsələ araşdırılacaq.