İki deputat yeni vəzifəyə SEÇİLDİ

Milli Məclisin parlamentlərarası iki işçi qrupuna yeni rəhbər seçilib.
 
Bununla bağlı parlamentin bu gün keçirilən iclasında "Milli Məclisin parlamentlərarası əlaqələr üzrə işçi qruplarının rəhbərlərinin seçilməsi haqqında” Qərarda dəyişiklik müzakirə olunub. 
 
Dəyişikliyə əsasən, Azərbaycan-Böyük Britaniya parlamentlərarası əlaqələr üzrə işçi qrupunun rəhbəri vəzifəsinə Soltan Məmmədovun, Azərbaycan-Mavritaniya parlamentlərarası əlaqələr üzrə işçi qrupunun rəhbəri vəzifəsinə isə Sadiq Qurbanovun namizədliyi irəli sürülüb.
 
Sənəd səsə qoyularaq qəbul edilib.

www.anews.az