45 dövlət əmlakı hərraca çıxarılır
15.04.2022 16:14
İqtisadiyyat Nazirliyi yanında Əmlak Məsələləri Dövlət Xidməti mayın 4-də dövlət əmlakının özəlləşdirilməsi ilə bağlı növbəti dəfə hərrac keçirəcək. Hərraca ümumilikdə 45 dövlət əmlakı çıxarılacaq. Bunlardan 7-si emal, sənaye, quşçuluq, təmir və s. sahələrə aid səhmdar cəmiyyətləri, 38-i isə nəqliyyat vasitəsidir.
Səhmdar cəmiyyətilərinə "Bakavtoservis”, "Biləsuvar Broyler”, "Zaqatala Fındıq" və digərləri aiddir. Onların nizamnamə kapitalı 138 698 manatdan 1 299 800 manata qədər dəyişir. Bu kateqoriyaya aid edilənlər arasında səhmlərinin özəlləşdirməyə çıxarılan ilkin start qiyməti ən çox olan müəssisə "Bakavtoservis” ASC-0-dir. Adı çəkilən müəssisənin səhminin 30,03 %-i 195 178 manata təklif olunur.
Hərraca çıxarılan nəqliyyat vasitələri arasında isə Rusiya və Avropa istehsalı olan maşınlar üstünlük təşkil edir. Nəqliyyat vasitələrinin istehsal tarixi 1970 - 2011-ci illər arasında dəyişir.
Tam siyahı ilə burada tanış olmaq mümkündür: (https://bit.ly/3mmNVpB ).
Hərrac günü prosesə marağı olanlar həm Əmlak Xidmətləri Məkanına gəlməklə, həm də Əmlak Məsələləri Dövlət Xidmətinin Elektron Xidmətlər Portalından (e-emlak.gov.az) "Elektron hərrac” bölməsini seçərək hərracları qeydiyyatsız formada izləyə bilərlər.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
