İşdən qovulan müəllimlərin şikayəti təmin edildi - RƏSMİ

 

"Dövlət Mədəniyyət və İncəsənət Universitetinin (ADMİU) nəzdində Humanitar Kollecdə 67 müəllim heç bir hüquqi əsas olmadan ixtisar edilmişdir. Bu məsələ ilə bağlı kollecin 6 müəllimi hüquqlarının məhkəmədə müdafiəsinə dəstək göstərilməsi üçün ILRA-ya müraciət etmişdir. İnstitutumuz tərəfindən müraciət nəzarətə götürülmüş, müəllimlərə proses dövründə ödənişsiz hüquqi yardım göstərilmiş, məhkəməyə müraciət üçün iddia ərizələri yazılıb. Binəqədi rayon məhkəməsinin 11 aprel 2022-ci il tarixli qətnaməsinə əsasən müəllimlərin şikayətləri təmin edilmiş, onların işə bərpa edilməsi, işsiz qaldığı dövrlər üçün hesablanmış pulun Bakı Humanitar Kolleci tərəfindən ödənilməsi barədə qərar qəbul edilib", o bildirib. 

 

2021-ci ilin oktyabrın 21-də Azərbaycan Dövlət Mədəniyyət və İncəsənət Universitetinin nəzdində Humanitar Kollecinin 67 müəllimi işdən çıxarılmışdı. Çıxarılan müəllimlərdən 46-sı ali təhsilli müəllim, 21 orta ixtisas təhsilli şəxslər, 5-i isə şöbə müdirləri olub. Müəllimlərin işdən çıxarılması ilə bağlı əmri Kollecin direktoru Nərmin Qaralova vermişdi. O birdən-birə bu qədər müəllimi Təhsil naziri Emin Əmrullayevin tapşırığı ilə işdən çıxardığını bildirib. Təhsil Nazirliyinə üz tutan müəllimlərə isə belə bir qərardan nazirin xəbərinin olmadığı bildirilib.

İşlərini itirən müəllimlər bu qərarın heç bir qanuna söykənmədiyini, hüquqlarının pozulduğunu bildirib. Onlar baş verən hadisə ilə bağlı Birinci vitse-prezident Mehriban Əliyevaya və Ombudsmana rəsmi müraciət etmişdi.


Kollecin direktoru Nərmin Qaralova sabiq Baş Prokuror Zakir Qaralovun qohumu kimi tanınır. Qaralova ilk dəfə tələbəni təhqir etməsi ilə mətbuatın gündəminə gəlmişdi.