Rafael Cəbrayılovun qardaşı barəsində həbs qərarı verildi

Həbsdə ölən sabiq deputat Rafael Cəbrayılovun qardaşı Elşən Cəbrayılov həbs edilib.


Onun barəsində qərar Bakı Apellyasiya Məhkəməsi tərəfindən verilib.


Elşən Cəbrayılov aprelin 13-də polis tərəfindən saxlanılmış, lakin həmin gün Nərimanov Rayon Məhkəməsinin qərarı ilə sərbəst buraxılmışdı. Həmin qərardan prokurorluq protest verib. Bu gün isə Bakı Apellyasiya Məhkəməsi qərarı dəyişdirib və onun barəsində 1 aylıq həbs qətimkan tədbiri seçilib.


Məlumatı hüquq-mühafizə orqanlarından "Qafqazinfo”ya təsdiqləyiblər.


Qeyd edək ki, Rafael Cəbrayılov özü də dələduzluq əməllərinə görə 2020-ci ildə həbs olunmuşdu. Həbsdə koronavirusa yoluxan sabiq deputat xəstəxanada ölmüşdü.


Rafael Cəbrayılovun həyat yoldaşı ərinin vəfatından sonra məhkəmədə Elşən Cəbrayılovu ittiham etmişdi. O, ərinin ittiham olunduğu dələduzluq əməllərinin əslində Elşən Cəbrayılov tərəfindən törədildiyini və 7 milyon manat ödənişdən yayındığını bildirmişdi. O, qaynının cinayət məsuliyyətinə cəlb olunmasını istəmişdi.

www.anews.az