Bakı şəhər prokuroru dəyişilib - YENİ TƏYİNAT
27.04.2022 15:25
Bakı şəhər prokuroru İlqar Abbasovun vəzifədə qalma müddəti bitib. Onu bu vəzifədə Baş prokurorluğun Təşkilat və İcraata nəzarət şöbəsinin müdiri Elşən Abbasov əvəz edib. Bu barədə anews.az-a adının anoniim saxlanmasını istəyən iki mənbə bildirib.
"İlqar Abbasov Bakı şəhər prokuroru vəzifəsinə 5 ilə təyin edilmişdi. Onun səlahiyyət müddəti bitib və yenidən bu vəzifəyə təyinat almayıb. Baş prokurorluğun Təşkilat və İcraata nəzarət şöbəsinin müdiri Elşən Abbasovun Bakı şəhər prokuroru təyin edildiyi bildirilib", - mənbə deyib.
Mənbənin verdiyi məlumata görə, Elşən Abbasovun təyinatı ilə bağlı müvafiq əmr hələlik imzalanmayıb.
İlqar Abbasov Naxçıvan şəhərində anadan olub. Onun 44 yaşı var. Bakı şəhər prokuroru təyin olunmazdan qabaq Naxçıvan Muxtar Respublikası, Lənkəran rayonu və Bakı şəhəri Səbail Rayonu prokurorluqlarında işləyib.
Bundan sonra Baş Prokurorluğun Dövlət İttihamının Müdafiəsi üzrə İdarəsində çalışan İlqar Abbasov Baş prokurorun köməkçisi vəzifəsinə yüksəlib. 2009-cu ildən etibarən Baş prokuror yanında Korrupsiyaya Qarşı Mübarizə Baş İdarəsinin rəis müavini vəzifəsində çalışan Abbasova 2014-cü ildə III dərəcəli dövlət ədliyyə müşaviri ali xüsusi rütbəsi (ədliyyə general-mayoru) verilib.
Bundan sonra Baş Prokurorluğun Dövlət İttihamının Müdafiəsi üzrə İdarəsində çalışan İlqar Abbasov Baş prokurorun köməkçisi vəzifəsinə yüksəlib. 2009-cu ildən etibarən Baş prokuror yanında Korrupsiyaya Qarşı Mübarizə Baş İdarəsinin rəis müavini vəzifəsində çalışan Abbasova 2014-cü ildə III dərəcəli dövlət ədliyyə müşaviri ali xüsusi rütbəsi (ədliyyə general-mayoru) verilib.
Ləman Qasımova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
