Şeyxin qudası partiya sədrini məhkəməyə verdi - “Torpağımı zəbt edib”

 

Qalib Salahzadə Sabunçu rayonu, Zaqulba şossesi 1, 2, 3, 9 nömrəli ünvanda olan evlərinin Ağasif Şakiroğlu tərəfindən zəbt edildiyini bildirib. O, Məhkəmədən həmin evlərdə yaşamaq hüququnun təmin edilməsini tələb edib. Bildirilib ki, 1 hektardan çox ərazisi olan həmin ünvanda ümumilikdə 8 ev var. Q.Salahzadə ilə yanaşı Həmidağa Camalov, Əminağa Camalov və Lətifə Əliyeva da həmin evlərdə qeydiyyatdadırlar və onlar da məhkəmə qarşısında iddia qaldırıblar.

 

Qalib Salahzadə qeyd edib ki, ünvanda qeydiyyatdan keçmiş torpaq sahəsi və fərdi yaşayış evlərinin olmasını Əmlak Məsələləsi üzrə Dövlət Xidməti də təsdiqləyib.

 

Qalib Salahzadə Qafqaz Müsəlmanları İdarəsinin rəhbəri Şeyxülsilam Hacı Allahşükür Paşazadənin qudasıdır. O, 2 dönəm Milli Məclisin üzvü, deputat seçilib. Həmçinin uzun müddət Sabunçu rayonu Bilgəh qəsəbəsinin bələdiyyə sədri olub. Hazırda Hacı Qalib Salahzadənin oğlu Əliabbas Salahzadə Milli Məclisin deputatıdır.(Qafqazinfo)