Nobel prospektində çökmə davam edir - FOTOLAR

Bakının Nobel prospektində, "Azərneftyağ" neft emalı zavodunun qarşısında şəhər istiqamətində yolda çökmə intensiv şəkildə davam edir.APA-nın məlumatına görə, “Azəryolservis” ASC, “Azərsu” ASC-nin və Yol Patrul Xidmətinin əməkdaşları hazırda hadisə yerindədir. Təhlükəsizlik məqsədi ilə hadisə yeri əhatəyə alınıb. Xatırladaq ki, aprelin 21-də səhər 08:00 radələrində Bakının Nobel prospekti, 67 ünvanında, “Azərneftyağ” neft emalı zavodunun qarşısında şəhər istiqamətində yolda çökmə baş verib. Yolun alt hissəsindən keçən, eni 1860 mm olan kanalizasiya kollektorunun sızması nəticəsində yolun əsası və torpaq yatağı yuyulub, bununla da asfalt-beton örtüyü tamamilə çöküb.

ANN.Az