“Kaspi” Təhsil Mərkəzi Əli Həsənovdan alındı

 

"Kaspi” Təhsil Mərkəzi Prezident Administrasiyasının ləğv olunan ictimai-siyasi məsələlər şöbəsinin keçmiş müdiri Əli Həsənova məxsus olub. Əli Həsənov işdən çıxarılandan sonra icra məmurları tərəfindən ofisi möhürlənən bina icarəyə verilib. Son vaxtlar həmin binanın Əli Həsənovdan alınması barədə söz-söhbətlər dolaşsa da, bu, rəsmi təsdiqini tapmırdı. 

 

Amma bu günlərdə binanın qapısının icra məmurları tərəfindən möhürlənməsi bir daha sübut edir ki, həmin bina Əli Həsənovdan alınıb.  

 

Bir neçə il bundan əvvəl "Kaspi Liseyi Ümumtəhsil Məktəbi” MMC-nin baş mühasibi olmuş Tural Məmmədovun və mühasib Fərahim Möhbalıyevin Bakı Ağır Cinayətlər Məhkəməsində məhkəmə araşdırması keçirilib. 

 

İttihamda yazılıb ki, 2018-ci ilin aprel-oktyabr aylarında 454 nəfər şagirdin təhsili üçün 1 milyon 366 min manat pul ödənilib. Ancaq bu vəsaitin 564 minini baş mühasib və mühasib sistemə daxil etməyib, birlikdə mənimsəyiblər. Adları çəkilən şəxslərə CM-in 179.4 (xüsusilə külli miqdarda ziyan vurmaqla mənimsəmə) maddəsi əsasında ittiham verilib.

 

Təqsirli bilinən şəxslər özlərini ittiham üzrə günahkar saymırdılar.( Demokrat.az)