Kənd təsərrüfatı sərgisində iştirak edəcək şirkətlərin sayı açıqlanıb

2022-ci ildə Bakıda keçiriləcək kənd təsərrüfatı sərgilərində 24 ölkədən 449 şirkət iştirak edəcək.

Bunu anews.az-a açıqlamasında Kənd Təsərrüfatı Nazirliyinin nümayəndəsi Toğrul Qafarbəyli bildirib.

"Bu il sərgidə rekord sayda milli və regional stendlər nümayiş olunacaq. Sərgi mayın 18-dən 20-dək davam edəcək. Kənd təsərrüfatı üzrə: baytarlıq və zootexnika,bitki və heyvanların mühafizəsi üçün vasitələr, bitkiçilik, damla sulama sistemləri, heyvandarlıq, quşçuluq, balıq sənayesi, istixana üçün avadanlıqlar, kənd təsərrüfatı məhsulları, kənd təsərrüfatı texnikası və avadanlığı, laboratoriya avadanlığı, lizinq xidmətləri, meyvə və tərəvəzlərin yetişdirilməsi, mineral və biloji gübrələr, suvarma üçün maşınlar və avadanlıq və. s sərgidə nümayiş olunacaq",- nazirliyin nümayəndəsi vurğulayıb.


www.anews.az