Azərbaycanda pensiya yaşı azaldılacaq?

Azərbaycan Respublikasının Milli Məclisində keçirilən iclas zamanı pensiya yaşının azaldılması mövzusu müzakirə edilib.
 
Bəzi deputatlar pensiya yaşının kişilər üçün 60, qadınlar üçün 55-ə, bəziləri isə kişilərin 63-ə ,qadınların isə 60 yaşa endirilməsini təklif edib.
 
İqtisadçı  Eldəniz Əmirovun sözlərinə görə,  bioloji yaş artıqca ölüm daha çox artır.
 
"Pensiya yaşı artırıldıqca pensiya almadan ölənləri sayı kəskin artır. Bu artım illər üzrə bərabər qalxmır, artan hər pensiya yaşına ölüm daha çox artır. 
Məsələn, pensiya yaşını 55-dən 56-ya qaldıranda əvvəlki il ilə müqayisədə təxminən 300 nəfər daha çox ölüm olursa, 65-yaşdan 66 yaşa qaldıranda ölüm sayı 300 yox, 1000 artır.  Bu təxminən həmin qədər insanın bu və ya digər formalı pensiya hüququndan istifadə edə bilmədən dünyasını dəyişməsi deməkdir", - Əmirov deyib. 
 
Hazırda kişilərin pensiya yaşı 65, qadınların pensiya yaşı isə 62 il 6 aydır. 1 iyul 2022 – 30 iyun 2023 tarixində isə qadınlar üçün pensiya yaşı 63 il olacaq. 
 
"Əmək pensiyaları haqqında” qanunun 7-ci maddəsində nəzərdə tutulmuş kişilərin yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1-dən başlayaraq 2027-ci il iyulun 1-dək hər il 6 ay artırılıb 65-ə çatdırılması nəzərdə tutulub.
  
www.anews.az