Azərbaycanda çörək bahalaşacaq?

"Azərbaycan da daxil olmaqla bir çox ölkələr buğda idxalını məhz Rusiya, Qazaxıstan və Ukrayna ölkələrindən idxal edir. Bildiyiniz kimi, Ukrayna və Rusiya arasındakı müharibəyə görə, həmin ölkələrdən buğda idxalının təşkil edilməsi bir qədər çətinləşib. Çünki Rusiyaya qarşı tədbiq edilən sanksiyalar, buna imkan vermir. Yəni, bu dövlətlər indiki vəziyyətdə buğda ixrac etmirlər. Bu səbəbdən dünya bazarında müvəqqəti olaraq, buğda ehtiyyatı azalıb. Bu azalmaya görə isə, Hindistana digər ölkələr tərəfindən alternativ bir yol kimi baxılır. Lakin çoxsaylı müraciətlərdən sonra, Hindistan dövləti, ölkədə quraqlıq baş verdiyini əsas gətirərək, bu təkliflərdən imtina etdi.Bu məsələni danışıqlar yolu ilə həll etmək olar. Azərbaycanda hal hazırda sentyabra kimi yetəcək qədər, buğda ehtiyyatı var”, – İbrahimov bildirib.


Azərbaycan Respublikasının Milli Məslisinin deputatı Tahir Rzayevin sözlərinə görə, Rusiya-Ukrayna  müharibəsi səbəbindən, Azərbaycan buğda idxalı ilə bağlı alternativ yollar axtarır.

"Ərzaq təhlükəsizliyinin aradan qaldırılması günün ən vacib məsələsinə çevrilib. Dünyada 800 milyondan çox insan aclıqdan əziyyət çəkir. Baş verən münaqişələr heç bir ölkənin xeyrinə deyil. Bu münaqişələr, Azərbaycana çox güclü təsir göstərir. Məlumdur ki, dünya bazarında buğdanın qiyməti artıb. Sözsüz ki, biz indiki vəziyyətdə Rusiya və Ukraynadan buğda idxalını təşkil edə bilməyəcəyik. Hindistanın dünya bazarına qoyduğu embarqo, bəşəri dəyərlərə ziddir”, – millət vəkili bildirib.

Onun fikrincə, Azərbaycan dövləti ərzaq təminatının təhlükəsizliyi məsələsi ilə bağı bir çox layihələr həyata keçirəcək.

"Bir çox dövlətlər buna görə müəyyən tədbirlər görməkdədir. O cümlədən, Azərbaycan dövləti də bu çətinlikləri, müharibədən əvvəl hesablayıb. Çünki hələ müharibə başlamamışdan əvvəl, Cənab Prezident, qeyd etmişdi ki, biz məhsuldarlığı artırmalıyıq. Qazaxıstan ilə bağladığımız müqaviləyə yenidən baxılır. Digər ölkələrdən Azərbaycana buğda idxalının edilməsi ilə bağlı müəyyən məsələlər qaldırılıb. Düşünürəm ki, bu müvəqqəti çətinlik, çox da uzun çəkməyəcək. Qısa zamanda bu çətinliyin öhdəsindən gələcəyik”, – Rzayev qeyd edib.


www.anews.az