Əfv sərəncamı 3 qadın məhkuma şamil edilib

Mayın 27-də 3 nəfər qadın məhkum əfv edilib. Bu, Azərbaycan Prezidentinin  imzaladığı Əfv Sərəncamında öz əksini tapıb.

 

Sərəncam ilə  azadlıqdan məhrum etmə cəzasına məhkum edilmiş 2 nəfər qadın məhkum cəzanın çəkilməmiş hissəsindən azad edilib.

 

Onlar aşağıdakılardır:

 

- Cəfərova Züleyxa Rəşid qızı, 1981-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2017-ci il 23 yanvar tarixli hökmü ilə məhkum edilmişdir.

- Hüseynova Əfsanə Fəxrəddin qızı, 1990-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 29 oktyabr tarixli hökmü ilə məhkum edilmişdir.

Azadlıqdan məhrumetmə cəzasına şərti olaraq məhkum edilmiş 1 nəfər qadın məhkum cəzadan azad edilib. Bu, Mahmudova Sevda Rəcəb qızıdır. O, 1979-cu ildə anadan olmuş, Azərbaycan Respublikasının vətəndaşı, Ağstafa Rayon Məhkəməsinin 2021-ci il 12 oktyabr tarixli hökmü ilə məhkum edilib.

 

Sərəncama əsasən, məhkum olunmuş bir sıra şəxslərin, onların ailə üzvlərinin, Azərbaycan Respublikasının İnsan hüquqları üzrə müvəkkilinin, insan hüquqlarının müdafiəsi təşkilatlarının Azərbaycan Prezidentinə ünvanlanmış əfv haqqında müraciətlərinə baxılaraq, məhkumların şəxsiyyəti, səhhəti, ailə vəziyyəti, törətdikləri cinayətlərin xarakteri və ictimai təhlükəlilik dərəcəsi, cəza çəkdikləri müddəti və həmin müddətdə davranışları nəzərə alınaraq, humanizm prinsipləri əsas götürülərək ümumilikdə 213 nəfər əfv edilib.

Belə ki, azadlıqdan məhrumetmə cəzasına məhkum olunmuş 168 nəfər cəzasının çəkilməmiş hissəsindən azad edilib, 36 nəfərin cəzasının çəkilməmiş hissəsi yarıyadək azaldılıb.

Eləcə də azadlıqdan məhrumetmə cəzasına şərti olaraq məhkum edilmiş 3 nəfər cəzadan azad ediliblər.

Həmçinin azadlığın məhdudlaşdırılması cəzasına məhkum edilmiş 6 nəfər cəzalarının çəkilməmiş hissəsindən azad olunublar.