Uşaqlara investisiya qoyulması yaxşı nəticələr verir - Nazirdən AÇIQLAMA

Azərbaycanda ailələrin uşaqlarına kiçik yaşlarından investisiya qoyub pul xərcləməsi yaxşı haldır və müşahidələr də bunun gələcəkdə yaxşı nəticələr verdiyini göstərir, bunu təhsil naziri Emin Əmrullayev jurnalistlərə açıqlamasında deyib.
 
"Təcrübələr də göstərir ki, ən aşağı yaşlardan uşağa  pul xərclənərsə həmin investisiya gələcəkdə itməz. Bu məsələ məhz repetitorluq bağlı məsələ deyil. Uşaqlara digər vəsaitlərin alınması təqdirəlayiq haldır. Amma ibtidai təhsildən sonra, əsas da ali təhsil müəssisələrinə hazırlıq mərhələsində  repetitorluğa müraciətlərin çox olduğunu müşahidə edirik. Mənim sözümün mahiyyəti bundan ibarətdir ki, bu məktəbdəki təhsillə yanaşı olmalıdır. Çünki uşaq uzunmüddət məktəbdə yaxşı oxumasa onun son iki ildə repetitor yanına getməsi müsbət bir nəticə verməyəcək. Buna həm statistika, həm də qəbul imtahanlarına baxmaqla demək olar"
 
Nazir əlavə edib ki, 9-cu sinifdə imtahanlarda aşağı nəticə göstərən şagirdlər 11-ci sinifdə də eyni nəticəni göstərir. 
 

www.anews.az